Најдобриот тим во НБА лигата, Феникс санс, благодарение на Девин Букер славеше над Чикаго булс со 127:124 во дербито на вечерта.

„Сонцата“ беа фантастични во првото полувреме кое го добија со 18 поени разлика, но кошаркарите на Чикаго со добра игра во последната четвртина успеаја да се изборат за минимален пораз.
Брилјираше Девин Букер кој постигна 38 поени, а имаше и 5 асистенции. Одличен беше и Крис Пол со 19 поени и 11 асистенции, додека Џавал Мекги даде 16 поени. Кај Чикаго најдобри беа Демар Дерозан со 38 поени и Зек Лавин кој даде 32 поени.

Њујорк никс немаше никакви шанси против расположениот Донован Мичел кој ја предводеше Јута до победа од 113:104. Најдобриот играч на Јута, натпреварот го заврши си 32 поени, 7 скокови и 6 асистенции во вториот натпревар по враќањето од повредата.
Добра партија прикажаа и Бојан Богдановиќ со 20 и Мајк Конли со 18 поени.
Кај Њујорк, најдобар беше Џулиус Рендл со 30 постигнати поени.

Резултати:
Шарлот – Торонто 101:116
Вашингтон – Мајами 100:121
Чикаго – Феникс 124:127
Оклахома сити – Голден Стејт 98:110
Јута –Њујорк 113:104