ВИДЕО: Брутален „дабл-дабл“ на Јанис, Вашингтон славеше во дербито на Истокот

Неверојатна партија на Јанис Адетокумпо/ фото: EPA-EFE/TANNEN MAURY

Актуелниот НБА шампион, екипата на Милвоки доцна синоќа славеше на домашен терен против Орландо со резултат 117:108.

Незапирлив во редовите на Бакси беше грчкиот интернационалец Јанис Антетокумпо кој запиша „дабл-дабл“ учинок од 32 поени и дури 20 скокови (пет асистенции, три блокади). Доминираше и Боби Портис со 24 поени (15 скокови), а на спротивната страна за „магичните“ Р.Џ. Хемптон постигна 19 поени (девет асистенции).

Вашингтон и Мајами кои моментно се во Топ 5 најдобри во Источната конференција, играа и пред два дена кога „жешките“ славеа пред своите навивачи.

Сега Визардси како домаќини се реваншираа (103:100), иако имаше шест загубени топки и лош процент за три поени (1-7), Бредли Бил беше прв стрелец со 21 поен за Вашингтон, додаде и девет асистенции.

Кај Мајами Џими Батлер реализираше 29 поени (11-19 шут од игра), запиша уште пет скокови и четири асистенции.

НБА лига, резултати –

Индијана – Њу Орлеанс 111:94
Вашингтон – Мајами 103:100
Атланта – Шарлот 115:105
Бостон – Оклахома 111:105
Милвоки – Орландо 117:108
Минесота – Мемфис 138:95
Портланд – Филаделфија 118:111
Сакраменто – Јута 105:132
Њујорк – Хјустон 106:99

Видео на денот