Американската актерка Ен Хатавеј (41) гостуваше во емисијата на телевизискиот водител и шоумен Џими Фелон (49), како дел од промотивната турнеја за новиот филм „Идејата за тебе“ („The Idea of You“).

Хатавеј ја глуми самохраната мајка Солен, која започнува врска со 24-годишниот Британец Хејс Кембел, кој го глуми актерот Николас Галицин.

Овој филм е базиран на истоимениот роман на Робин Ли од 2017 година. Актерката доживеа непријатен момент додека зборуваше за тоа и ѝ се обрати на публиката со прашањето: „Дали некој од овде ја прочитал книгата?“, по што настана тишина.

Од изразот на нејзиното лице можеше да се заклучи дека е засрамена и изненадена од реакцијата на публиката. За среќа, Фелон се вмеша и ја спаси ситуацијата, велејќи: „Не, ние не читаме“. Тоа ја прекина тензијата, а актерката и публиката почнаа да се смеат.

„Ова е ‘Тунајт шоу’. Одете во емисијата на Стивен Колбер ако сакате да најдете луѓе кои читаат. Тука слушаме аудикниги. Дали се важи тоа?“, додаде водителот.

Хатавеј беше неверојатно благодарна поради тоа што Фелон ја извади од непријатната ситуација.

„Значи, филмот е базиран на книга“, продолжи Фелон, а актерката му одговори: „Што е тоа книга?“.

Многумина го пофалија водителот за одличната реакција во тој момент.

„Всушост, Џими Фелон со ова покажа дека е одличен водител“, „Ова беше многу паметна шега“, „Фелон одлично ја сфати својата улога во овој момент“, се дел од коментарите.

“We don’t read. This is the Tonight Show. You wanna go over to Stephen Colbert if you wanna get people that read books.”

You could hear a PIN DROP I’m fucking crying help ??? 💀 pic.twitter.com/0B6Q0b53jY

— Taylor Robinson (@finelytaylored) April 30, 2024