ВИДЕО: Босанскиот „дијамант“ Џеко ја урна Аталанта за пресврт на Интер
Един Џеко со два гола беше еден од најзаслужните за денешната победа на Интер против Аталанта (2:3) во рамките од 15 коло во Серија А.
Напаѓачот од Босна и Херцеговина прво атрактивно погоди за 1:1 во 36 минута, откако претходно во 25-та водство за домаќините донесе Адемола Лукман.
Џеко повторно се најде во центарот на вниманието во 56 минута кога го запиша својот деветти гол сезонава (шести во првенството) за целосен пресврт.
Шест минути подоцна Хозе Луис Паломино ја затресе сопствената мрежа и така се зголеми предноста на миланските „нераѕури“, а истиот играч во 77 минута го постави конечниот епилог на средбата.
Интер дојде до 10 победа сезонава во шампионатот и сега е наа четвртото место на табелата со 30 боови, додека за клубот од Бергамо ова е четврти пораз, трет по ред, за моментно шесто место со 27 бодови.