На „Вила Парк“ во сабота можевме да гледаме неверојатен во четвртото коло од Премиер лигата. После пресврт, Астон Вила го победи Евертон со 3:2 (1:2), а за решавачкиот гол на мечот ќе се зборува уште долго.

Почна лошо за тимот од Бирмингем, откако „карамелите“ веќе по 27 минути имаа водство од 2:0. Најпрво во 16 минута Двајт Мекнил ги доведе гостите од Ливерпул во водство, а потоа 11 минути подоцна Диминик Калверт-Луин зголеми на 2:0.

И тогаш започнува враќањето на домашниот тим. Автор на израмнувањето беше напаѓачот на англиската репрезентација Оли Воткинс. Најпрвин во 36 минута намали, а потоа во 58 минута го израмни резултатот на 2:2.

Астон Вила го искористи добриот налет и во 76 минута по одличниот удар на Џон Дуран од 25 метри стигна до конечниот резултат од 3:2 и важни три бода.

Ова беше трета победа во четири кола за тимот на Унаи Емери, кој во следното коло во локалното дерби го пречекува Вулверхемптон вондерерс. Што се однесува до Евертон, за гигантот од „Гудисон“ продолжува лошиот старт на сезоната. Ова за нив беше четврти пораз во четири кола со гол-разлика 4:13.