Холандската фудбалска икона Арјен Робен, кој работи како тренер во младинската академија на Гронинген, се најде во фокусот на јавноста по контроверзен инцидент.

Имено, ТВ водителот Вилфред Гене објави видео на кое се гледа како Робен физички го оттурнува по кратка вербална расправија.

До немилиот настан дошло по натпревар на тимот до 14 години на Гронинген, предводен од Робен, кој претрпел минимален пораз од 1-0 против Викторија, екипа за која настапува синот на Гене. По завршниот свиреж, Робен влегол во дискусија со судијата, а Гене се вмешал во ситуацијата.

Токму тогаш, Робен реагирал оттурнувајќи го водителот и порачал: „Не се мешај.“ Снимката брзо се прошири и предизвика реакции, вклучително и од Јохан Дерксен, поранешен фудбалер и колега на Гене.

„Можеби тебе ти е смешно, но мене не ми е воопшто кога те оттурнува рекордерот по настапи за репрезентацијата. Очигледно си направил нешто за да го испровоцираш“, искоментира Дерксен

 

View this post on Instagram

 

A post shared by VoetbalPrimeur (@voetbalprimeur)