Американската војска изврши уште еден напад врз пловило во источниот Пацифик, при што загинаа двајца, во најновиот смртоносен удар на американските сили врз чамци за кои Вашингтон тврди дека имаат врски со латиноамерикански наркокартели, пренесе „Ал џазира“.

Јужната команда на САД (САУТКОМ), која е одговорна за американските воени операции во Латинска Америка и на Карибите, го потврди нападот во објава на социјалните мрежи ноќеска, тврдејќи дека убила двајца „машки наркотерористи“, без да приложи докази.

САУТКОМ тврди дека, врз основа на разузнавачки извештаи, чамецот „се движел по познати маршрути за трговија со дрога во источниот Пацифик“ и бил цел на „смртоносен кинетички удар“ по наредба на американскиот командант генерал Френсис Л. Донован.

Applying total systemic friction on the cartels. On April 13, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the… pic.twitter.com/zZQKEPiSoI

— U.S. Southern Command (@Southcom) April 13, 2026

Видео, објавено со соопштението, прикажува неподвижен чамец со надворешни мотори и нешто што изгледа како пловки од рибарски мрежи во близина. Чамецот е нападнат од воздух и се претвора во пламен.

Нападот се случува откако САУТКОМ објави смртоносен удар врз чамци во Пацификот. Во неделата, американската војска соопшти дека претходниот ден уништила два чамци во источниот Пацифик, при што загинале пет луѓе, а еден преживеал. Не беше веднаш јасно што се случило со преживеаниот, иако САУТКОМ соопшти дека американската крајбрежна стража била известена.

ВИДЕО | Америка пак разнесе чамец со наводни шверцери на дрога на Карибите, тројца загинаа

Со нападот во понеделникот, американската војска од септември досега убила најмалку 170 луѓе во десетици напади врз пловила во источниот Пацифик и Карипското Море.

Експерти за меѓународно право, организации за човекови права и регионални влади ја обвинија администрацијата на американскиот претседател Доналд Трамп дека извршува вонсудски убиства во меѓународни води, кои најверојатно целеле цивили, честопати рибарски екипажи, кои не претставувале непосредна закана за САД.

Администрацијата на Трамп тврди дека ваквите напади се дел од нејзината војна против наркокартелите во Латинска Америка, но не достави цврсти докази дека кое било од пловилата нападнати од минатата година било вклучено во трговија со дрога.

Трамп повторно одбиен од Британците: „Нема да се придружиме на блокадата на Ормутскиот теснец“