ВИДЕО | Америка фаќа дневно темпо – војската разнесе уште еден наводен чамец со дрога, загинаа тројца луѓе
Американската Јужна команда соопшти дека извршила „смртоносен кинетички напад врз пловило управувано од организации означени како терористички“ во источниот Пацифик, без да ја именува наводната група, во објава на „Икс“.
Тројца луѓе беа убиени во американски напад врз уште еден чамец за кој се тврди дека бил вклучен во трговија со дрога, што е петти ваков смртоносен напад во исто толку денови, пренесе „Гардијан“.
Препорачано
Американската Јужна команда соопшти дека извршила „смртоносен кинетички напад врз пловило управувано од организации означени како терористички“ во источниот Пацифик, без да ја именува наводната група, во објава на „Икс“.
„Тројца машки нарко-терористи беа убиени во оваа акција,“ пишува во објавата.
Последниот напад го зголемува вкупниот број на загинати на најмалку 177, според пресметка на новинската агенција АФП.
On April 15, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known… pic.twitter.com/EaGDMHmpan
— U.S. Southern Command (@Southcom) April 16, 2026
Во понеделникот, американската војска соопшти дека уништила два брода кои ги обвини дека криумчареле дрога во источниот дел на Тихиот Океан, при што загинале вкупно пет луѓе, а еден преживеал. Потоа, во вторникот, војската соопшти дека убила уште четири луѓе во истиот регион.
Администрацијата на Доналд Трамп тврди дека води фактичка борба против таканаречените „наркотерористи“ во Латинска Америка, но без да понуди јасни докази дека погодените пловила навистина биле дел од „наркотрафикинг“, што отвора сериозни правни дилеми.
Меѓународни правни експерти и организации за човекови права предупредуваат дека ваквите напади можат да се квалификуваат како вонсудски ликвидации, бидејќи цел се цивили кои не претставуваат директна закана за САД. Дополнителен притисок создаваат и правните постапки, како тужбата поднесена од семејствата на двајца убиени рибари од Тринидад, кои тврдат дека убиствата се неосновани и незаконски.
Од Американската унија за граѓански слободи обвинуваат дека администрацијата шири непотврдени и алармантни наративи, иако дел од жртвите, според истраги, биле обични рибари.
Во изминатите три дена, Јужната команда на САД континуирано објавува по еден напад врз пловила во источниот Пацифик за кои тврди дека се дел од „наркотрафикинг“ мрежи, при што секојдневно се регистрираат нови жртви.
