Африканскиот Куп на нации, кој е во тек, и понатаму изненадува со несекојдневни сцени, а синоќа репрезентацијата на Уганда му приреди на фудбалскиот свет момент што ретко се гледа. Иако по квалитет не важи за најелитно натпреварување, континенталниот турнир секогаш носи драма, неочекувани резултати и специфични моменти.

Фудбалерите на Уганда се најдоа во неверојатна ситуација, откако за само 13 минути беа приморани да ги искористат сите тројца голмани што ги имаа на располагање на турнирот.

Очекувано, Уганда беше поразена од Нигерија со 3-1 и остана без пласман во нокаут-фазата. Во 46. минута, поради повреда, натпреварот мораше да го напушти првиот голман Денис Онјанго, а на негово место влезе Салим Магола.

Но, драмата тука не заврши. Само 11 минути подоцна, Магола заработи директен црвен картон поради играње со рака надвор од шеснаесетникот, па меѓу стативите мораше да застане третиот голман, Нафијан Алионзи. Нигерија максимално ја искористи настанатата ситуација и со два брзи гола во периодот од 62. до 67. минута го реши прашањето околу победникот.

1’ — Onyango (1st GK)
46’ — Magoola on as sub (2nd GK)
56’ — Magoola sent off
59’ — Alionzi on as sub (3rd GK)

Ugandan disaster with THREE goalkeepers in one AFCON match! 🇺🇬pic.twitter.com/rfif00aL3h

— Dean Ammi (@AlgerianFooty) December 30, 2025