18 C
Скопје

Велигденска честитка од ракометарите, победа над Швајцарија

Ракометната репрезентација на Македонија со победа ги заврши квалификациите за пласман на Европското првенство кое ќе се игра идната година. На големиот христијански празник ракометарите ја совладаа Швајцарија со 29:28 во последното од седмата група и настапите ги завршија како второпласирани, веднаш зад актуелниот светски шампион Данска.

Натпреварот започна со два гола на Швајцарија и тоа преку нивниот најдобар ракометар Енди Шмит, но Македонија возврати со серија од три гола по ред преку Пешевски, Талески и Мишевски за водство од 3:2 во седмата минута.
Резултатската нишалка, односно играта гол за гол беше присутна до средина на првото полувреме, по што гостинските ракометари со двата гола на Рубин за прв пат дојдоа со два гола предност (5:7). Во следниот напад Швајцарија имаше и три гола предност благодарение на голот на Реми.

Фото: EPA-EFE/GEORGI LICOVSKI

Во тие моменти Лазаров да се вклучи во натпреварот и да ги предводи своите ракометари од теренот, а подобрата игра во одбраната, како и сигурната реализација донесе резултат и во 23 минута, Македонија дојде до израмнување 11:11.

До крајот на првиот дел се играше гол за гол, а првите 30 минути завршија без нерешено (16:16).
„Црвено-жолтите“ второто полувреме го започнаа со два нереализирани напади преку Лазаров и Маџовски.
По десет минути игра, ,односно во 40. минута, Македонија со голот на Филип Кузмановски поведе со 19:18, што беше прво водство за „црвено-жолтите“ од седмата минута (4:3).

Фото: EPA-EFE/GEORGI LICOVSKI

Во наредните десетина минути се играше гол за гол, со тоа што Македонија го контролираше резултатот. Така беше се до 53 минута кога Македонија со голот на Кузмановски дојде до два гола предност (25:23). Оттогаш контролата на играта и резултатот беше во рацете на избраниците на селекторот Лазаров кои умешно ја оджуваа предноста од 2-3 гола до крајот на натпреварот.

Одлична партија прикажа Никола Митревски кој имаше 16 одбрани, а даде и еден гол, додека во нападот одлична партија прикажаа Филип Кузмановски и Кире Лазаров кои дадоа по шест гола, а Гоце Георгиевски постигна четири голови. 

Поврзани вести

Дали Тотенхем ќе ја прифати понудата од Манчестер јунајтед за Кејн?

Слободен печат

Легендата Стив Неш нема дилеми: Јокиќ е МВП оваа година!

Слободен печат

ВИДЕО: Падна рекорд стар 47 години, Вестбрук испиша историја во НБА лигата!

Слободен печат

Митревски го реши португалското дерби

Слободен печат

Ливерпул не се откажува од Лигата на шампионите

Слободен печат

Беретини и Зверев ќе играат за титулата во Мадрид

Слободен печат

Остави Коментар