Лекот кој дава огромна надеж во лекувањето на заболените од ковид-19, конечно пристигна и во Македонија. Педесет и петгодишен велешанец кој десет дена се лекувал со „иверметкин“, кој го набавил од Грција, во изјава за „Слободен печат“ вели дека лекот му го спасил животот.

Како што ни раскажа, се почнало со добивањето позитивен тест на ковид-19 и појавата на лесни симптоми, за на крај да заврши на болничко лекување со намалена сатурација во крвта.

– Првиот ден ми дадоа 8 таблети, преку еден ден ми дадоа 6 таблети, исто така и петтиот ден. Понатаму ја намалуваа дозата. Претходно бев лекуван со „гарамицин“ и „сумамед“, но не се подобруваше состојбата. Имав намалена сатурација која падна на 82. За лекот слушнав од мојата матична докторка, која ми го препорача, но ми кажа дека го нема во Македонија. Среќа, имав кој да ми го обезбеди од Грција. Сега се чувствувам многу добро, можам и да зборувам, претходно не можев, немав сила. Се радувам што конечно овој лек ќе го има во Македонија, бидејќи не може секој да го набави од странство, ни рече соговорникот кој сакаше да останме анонимен и чиј идентитет е познат на редакцијата.

Го баравме и го најдовме: „Ивермектин“ има во една аптека на Зегин