Жител на Велес ќе одговара за лажно пријавување, откако тврдел дека двајца полицајци го малтретирале, но тие го снимале со камери и докажале дека лажел, соопшти МВР.

Тој ги пријавил двајцата полицајци за „малтретирање во вршење на службата“ при сообраќајна контрола, а кон нив поради тоа интервенирале органите на прогонот, велат од полицијата.

„Пријавените полициски службеници своето постапување го снимиле со мобилниот систем за снимање со камери, со што е утврдено дека П.М. лажно ги пријавил полициските службеници иако при поднесување на пријавата бил предупреден за последиците за лажно пријавување. П.М. лажно ги пријавил полициските службеници иако бил свесен и како директен учесник во настанот знаел дека полициските службеници не го сториле кривичното дело, со што погрешно и злонамерно предизвикал интервенција на органите на прогонот кон полициските службеници. Со наведеното пријавениот ги загрозил личните слободи и права, како и честа и угледот на полициските службеници кои ги пријавил“, пишува во полицискиот билтен.

Возач од Скопско летал со скоро 300 километри на час и се снимал, полицијата го најде по видеото што го објавил