Вардар против Ал Мудхар во четвртфиналето на „Супер Глоуб“
Американците не беа сериозна пречка за претставникот од Саудиска Арабија каде што и се одржува „Супер Глоуб“, но дефинитивно во наредната фаза ќе има многу потешка задача.
Во победничките редови доминираше Скандар Зајед со шест голови, следен Ахмед Ал Абдулали со пет, а на спротивната страна четири запиша Анвар Сајед Елсајед Шалаби.
Dammam ?? prepared a beautiful opening ceremony to give a great welcome to all 10 teams competing at the 2019 IHF Men's #SuperGlobe ??? pic.twitter.com/vSprSFRibO
— IHF (@ihf_info) August 27, 2019
Македонскиот и европски шампион Вардар в среда (28 август) со почеток од 19.00 часот за пласман во полуфиналето на неофицијалното Светско клупско првенство ќе игра против Ал Мудхар.
Познати се и останатите три четвртфинални средби, египетскиот Замалек ќе се сретне против Кил против кој најверојатно „црвено-црните“ се очекува да се сретнат во полуфиналната пресметка. Бундеслигашот со 41:27 беше подобар од австралискиот Сиднеј универзити.
Потоа, вториот учесник од Саудиска Арабија Ал Вехда ќе игра со бразилскиот Хандебол Таубате, а Барселона се среќава со катарскиот Ал-Духаил.
„Супер Глоуб 2019“ – Дамам, Саудиска Арабија
Четвртфинале, 28 август
11.15 часот Ал Вехда – Таубате
13.30 часот Замалек – Кил
16.20 часот Барселона – Ал Духаил
19.00 часот Вардар – Ал Мудхар
Полуфиналните мечеви ќе се играат в четврток од 16.20 часот и 19.00. Битката за третото место е в сабота од 13.30 часот, а финалето е од 16.20 часот.