Ракометниот клуб Вардар на кој цела сезона му виси „дамоклов меч“ поради најавеното заминување на сопственикот Сергеј Самсоненко и беспарицата која владее, според последните случувања, ќе застане на здрави нозе и ќе остане ракометна сила во Македонија и во Европа.

Акцијата на поранешниот претседател, Михајло Михајловски, кој побара трепение до 10 мај, се чини дека вроди со плод и има најави за влез на неколку македонски компании но и финансиери кои би влегле во раководните структури на клубот.

Според информациите, идејата на Михајловски е клубот да функционира како акционерско друштво, во кое сите финансиери би имале одреден број на акции. По последните случувања, досегашниот сопственик и финансиер Сергеј Самсоненко неофицијално најавил останување во клубот, и со помош од финансиери но и неколку компании би се креирал милионски буџет со кој Вардар повторно би бил ракометна сила во Европа.