Вечерва од 19 часот во СЦ Спортски центар „Јане Сандански“, Вардар ќе го пречека големиот ривал Пелистер во дербито на ракометната Суперлига и тоа во натпревар во кој „црвено-црните“ можат да ја потврдат титулата која за нив би била 15. во домашното првенство.

На Вардар потребен му е само еден и математички да ја обезбеди шампионската титула и повторно да се искачи на тронот, прекинувајќи ја доминацијата на битолскиот состав. Од друга страна, Пелистер доаѓа во Скопје со јасна цел, да слави во „Јане Сандански“ и барем привремено да го одложи шампионското славје на најтрофејниот македонски клуб.

Вардар во пресрет на дербито влегува по исцрпувачкиот европски дуел со Монпелје, додека битолчани имаа повеќе време за одмор и подготовка. Сепак, домашниот тим ќе смета на поддршката од преполните трибини и атмосферата која традиционално носи дополнителна енергија во ваквите натпревари.

Во таборот на Вардар сè уште е свежо сеќавањето на минатата сезона, кога Пелистер токму во Скопје стигна до шампионскиот пехар, па тоа сигурно е мотив плус за еден вид одмазда.

За вардарци, нема посладок начин да се освои титулата од тоа да се завери токму против најголемиот ривал, а токму такво сценарио посакуваат вечерва навивачите на „црвено-црните“.

Ждрепката го посака Охрид, реваншот во борбата за првиот европски трофеј ќе го игра дома

ФОТО | Десет гола сепак беа премногу, Вардар со победа се прости од Европа