Шпанската фудбалска федерација го поништи црвениот картон на Бразилецот, Винисиус Жуниор кој го доби против Валенсија.

Винисиус на „Местаља“ беше расистички навредуван, по што во еден дуел ги загуби нервите и заработи исклучување. Сепак, подоцна беше утврдено дека ВАР судијата не ја пуштил целосната снимка на судијата на теренот кој затоа не го видел ударот кој го добил Бразилецот.

Сега Винисиус е ослободен од црвениот картон и тој не важи, а освен тоа поради расистичките навреди трибината „Марио Кемпес“ на „Местаља“ ќе биде затворена за пет натпревари. Валенсија ќе мора да плати и парична казна за однесувањето на навивачите во износ од 50.000 евра.

Претходно по ваквиот инцидент, првиот човек на ФИФА, Џани Инфантино побара натпреварите да се прекинуваат ако расистичките навреди не престанат по опомената од судијата.

ВИДЕО | Винисиус после срамните сцени во Валенсија: Расизмот е нормален во „Ла Лига“