Поради утрешната атлетска трка од 10 часот, МВР најави воведување на посебен режим на сообраќајот од Средно Водно до паркингот на манастирот Св. Пантелејмон.

-Поради одржувањето на настанот, Единицата за безбедност на патниот сообраќај ќе воведе посебен режим на сообраќај. Возилата ќе бидат пренасочувани по алтернативни патеки за да се овозможи непречено одвивање на трката- информираат од МВР.

Петто издание на трката „Водно 10К“ утре во Скопје

Трката е на 10 километри, а нејзината траса ќе води од Средно Водно, по регионалниот пат Р2138, до паркингот на манастирот Св. Пантелејмон и назад.

Од Министерството апелираа до сите учесници во сообраќајот да ги следат упатствата на полициските службеници на терен и да ги почитуваат времените забрани и пренасочувања за безбедноста на атлетичарите и останатите учесници.