Со само шест изгубени гема Новак Ѓоковиќ го помина Запата Мираљес, додека елиминиран беше Стефанос Циципас од Швајцарецот Штрикер и тоа во меч кој траеше повеќе од четири часа. Елиминација доживеа и Каспер Руд со поразот од Кинезот Жанг.

Ѓоковиќ немаше проблеми, првиот сет му дозволи на Мираљес да освои четири гема (6:4), а во другите два по еден (6:1, 6:1). Противник во третото коло на УС Опен на Ѓоковиќ ќе му биде неговиот сонародник Ласло Ѓере кој со 3:0 го совлада Французинот Гастон.

Циципас изненадувачки беше елиминиран од 128. тенисер во светот, Доминик Штрикер. Мечота се играше во дури пет сета.

Петтиот носител Каспер Руд исто така во пет сета загуби од Кинезот Жанг кој на АТП листата е рангиран како 67. тенисер во светот.

Турнирот го заврши и Доминик Тим кој го предаде мечот против Шелтон, а со 3:0 беше поразен Фучовиќ од Хиџиката.