Во тенискиот свет, вчера главна вест беше дека Рафаел Надал доживеал повреда на грбот. Надал се повредил непосредно пред дуелот од Мастерсот во Мадрид против Денис Шаповалов.

Поради повредата е доведен во прашање и наредниот дуел на Надал, против шпанскиот јутјубер „DjMarilo“ во хуманитарен дуел.

It’s a 1st win for Nadal over Denis Shapovalov in Madrid virtual Open! Unbelievable!

(Video @TennisChannel) pic.twitter.com/qN2dqej0PR

— We Are Tennis (@WeAreTennis) April 27, 2020

Оваа вест е „сомнителна“ – и така треба да биде бидејќи станува збор за виртуелен турнир во кој тенисерите играат видео игра на плејстејшн. Надал го победи Шаповалов, а потоа следеше пораката на директорот на Мастерсот во Мадрид, Фелицијано Лопес.

– Надал имаше проблеми со грбот и мисли дека е повреда. Поради тоа побара дуелот со „DjMarilo“ да се игра наредниот ден. Добивме порака од Рафа пред мечот со Шаповалов дека е повреден, дека не знае за што се работи и дека е загрижен. Ми рече: дозволи ми да играм со Шаповалов, па ќе се обидам да играм и против „DjMarilo“ – изјави Лорес за време на преносот.

И речиси сите медиуми ја прифатија веста како вистинска, од кои најзвучни се Ројтерс и Би-Би-Си.

Навивачите кои ја прочитаа „лажната“ вест на медиумите почнаа да коментираат и да прашуваат колку е сериозна повредата, поради што мораше да реагира Лопес.

– Луѓе, само се шегував. Реков дека Рафа има проблеми со грбот поради играње на плејстејшн. Мислам дека ни е потребен малку хумор во овие времиња – изјави Лопес.

Виртуелниот турнир во Мадрид не беше атрактивен за медиумите и малкумина објавуваа за него, па потегот на Лопес испадна одлична реклама за да привлече внимание.