Германскиот град Улм претстави уникатно решение за сместување на бездомници во текот на зимските месеци – капсули за спиење поставени во паркови и други места за кои градските власти се свесни дека преноќеваат бездомниците.
Градот Улм кој се наоѓа 75 милји од Минхен, капсулите ги нарече „UlmerNest“.
Кабините се направени од дрво и челик и можат да соберат вкупно две лица, кои можат да се заштитат од студ. Капсулите се обезбедени со циркулација на воздух.
Соларните панели обезбедуваат енергија, а постои и радио мрежа што ќе им овозможи на луѓето комуникација доколку немаат мобилен телефон.
Луѓето кои ќе ги користат кабините ќе можат да ги отворат без да мора да се регистрираат и ќе имаат можност да ги заклучат одвнатре.
A German city has installed a number of pods for homeless people fitted with thermal insulation to sleep in
Ulm Karlsruhe pic.twitter.com/Xxh16LlhRc
— Sleepwalker (@Sleepwa69567955) January 22, 2021
Кога ќе се отворат, автоматски се известува социјален работник. На тој начин тој ќе може да ја посети кабината наутро.
Корисниците ќе можат да останат анонимни, а капсулите ќе ги одржува, чисти и поправа добротворната организација „Karitas Ulm Alb Donau“.
„Видовме некои ефекти од овој проект за кои никогаш не сме сонувале дека може да се случат, како комшии кои наутро ги послужуваат со чај корисниците на кабините. Исто така, градските власти отсекогаш давале голема поддршка на проектот, за што сме многу благодрни“, вели Флоријан, еден од авторите на овој проект.
Тој додаде дека луѓето доаѓаат да се заблагодарат за обезбеденото засолниште и дека тоа навистина им значи многу на луѓето од организацијата.
