Унгарски борач прележа коронавирус, па почина откако се врати на тренинг!
Тот покрај тоа што го победил Ковид-19, донирал и крвна плазма потребна за лекување на други заболени од опасниот вирус.
Нова тажна вест во спортскиот вест, 22-годишниот унгарски борач Бендегуз Тот почина ненадејно на тренинг на отворено во четвртокот.
Веднаш бил пренесен во болница, каде се обиделе да му го спасат животот, но не успеале, информира Унгарската федерација за борење.
Еден час и половина подоцна почина Тот во болницата, а неговиот татко, Јожеф Тот“ за порталот „Блик“ рече:
– Бендегуз никогаш не покажал дека има здравствени проблеми што може да му го загрозат животот. Точно, по неговото враќање од Европското првенство во Рим во февруари, беше утврдено дека тој се зарази со коронавирус, но подоцна тестирањата беа негативни, од каде се заклучи дека тој успешно ја прележа оваа болест – се зборовите на неговиот татко.
Покрај тоа што го победил Ковид-19, донирал и крвна плазма потребна за лекување на други заболени од опасниот вирус.
Лекарот на репрезентацијата на Унгарија не сакаше да претпостави што довело до смртта, па јавноста ќе биде информирана за тоа подоцна, по пристигнувањето на резултатите од обдукцијата.
Тој беше повеќекратен освојувач на медали во јуниорска категорија на европските и светските натпреварувања.
