Украина нов учесник на ЕП, Србите се враќаат во игра! (ВИДЕО) – Слободен печат
СпортФудбал

Украина нов учесник на ЕП, Србите се враќаат во игра! (ВИДЕО)

Се одиграа уште седум натпревари од квалификациите за пласман на Европското првенство, селекцијата на Англија вечерва ја забележа најголемата победа.

„Гордиот албион“ среде Софија ја декласираше Бугарија со 0:6, по двапати во листата на стрелците се запишаа Баркли и Стерлинг, а по еднаш Решфорд кој ја започна и Кејн кој ја заврши голеадата.

Во истата група „А“, Косово се враќа во игра за пласман на континенталниот собир, откако дома со головите на Рахмани и Муриќи триумфираше во Приштина против Црна Гора.

Група „А“, табела: Англија 15 бодови, Чешка 12, Косово 11…

Србите славеа против Литванија (1:2), за период од четири минути во второто полувреме се истакна Митровиќ како двоен стрелец, а домаќините само го ублажија поразот преку Казлаускас.

Португалија го претрпе првиот пораз во квалификациите во Киев од Украина со 2:1. Во првиот дел во шестата минута за 1:0 се погрижи Јаремчук, па зголеми Јармоленко, а во 72 минута Роналдо беше прецизен од пенал.

Група „Б“, табела: Украина 19 бодови, Португалија 11, Србија 10…

Турците откинаа важен бод на гостувањето во Париз кај светскиот шампион Франција (1:1). Поведоа „триололорите со погодокот на Жиру во 76 минута, а израмни Ајхан шест минути подоцна.

Шансите за учество на ЕП ги одржува и Исланд кој со 2:0 славеше над Андора со погодоците на Сигурдсон и Сигторсон.

Група „Х“, табела: Турција 19 бодови, Франција 19, Исланд 15…

Квалификации ЕП 2020

Резултати –

Бугарија-Англија 0:6
Франција-Турција 1:1
Исланд-Андора 2:0
Косово-Црна Гора 2:0
Литванија-Србија 1:2
Молдавија-Албанија 0:4
Украина-Португалија 2:1

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close