Апелацискиот суд во Штип ја укина пресудата со која штипјанецот Стојанче Зарков, кој лани со нож ја уби сопствената мајка, беше осуден на доживотен затвор. На Зарков повторно ќе му се суди во Основниот суд во Штип.

Од Апелација велат дека Зарков, кој почнал да ја издржува казната, по оваа одлука се враќа во притворски оддел.

Казната доживотен затвор на мајкоубиецот му беше изречена во февруари годинава, бидејќи лани на 8 август во раните утрински часови ја уби 84-годишната Марија Заркова. Убиството го извршил во семејниот дом, со нож, по што се јавил на бројот за итни повици. Судечкиот судија, Сашко Георгиев, во Основниот суд во Штип при изрекување на пресудата рече дека станува збор за најтешко кривично дело убиство, а заштитата на човековиот живот има апсолутен карактер и животот е природно човеково право.

Според архивата на судот, Зарков во три наврати е суден за извршено семејно насилство.

Млад штипјанец ја убил девојката, вечерва самиот се предал во полиција