Најавата на американските власти дека ќе дозволи враќање на гледачите на спортските настани, прва ја искористи УФЦ која одлучи приредбата УФЦ 261 да ја одржи пред полни трибини.
Првиот човек на УФЦ, Дејна Вајт објави дека сите 15.000 влезници се распродадени за само неколку минути.
УФЦ 261 треба да се одржи на 24. април во Џексонвил, Флорида, и тоа ќе биде првиот спортски настан на кој публиката ќе се врати во полн капацитет на трибините.
„Ви благодарам фанови на УФЦ. Ова е една од најбрзо продадените приредби во историјата на УФЦ“, напиша Вајт на својот Твитер профил.

Thank you UFC fans!!!

– Sold out in minutes. One of the fastest sell outs in UFC history.
– Arena record for highest gross.
– 15k attendance
I will see you in Jacksonville pic.twitter.com/mPwmOf4Saa

— danawhite (@danawhite) March 26, 2021

Главен настан на вечерта ќе биде борбата за титулата во велтер категоријата во машка конкуренција помеѓу шампионот Камару Усман и Џорге Масвидал, додека конасловна борба е таа во мува категорија во женска конкуренција помеѓу шампионската Жанг Веили и Роуз Намајунас.