УЕФА ја следи ситуацијата во Ерменија, Црвена звезда ќе игра во Ереван!
Од УЕФА го следат влошувањето на конфликтот во Нагорно Карабах пред плеј-оф мечот во Лига Европа помеѓу екипите на Арарат-Ерменија и Црвена ѕвезда од Србија на 1 октомври 2020 год. во Ереван.
Европската фудбалска куќа внимателно ја следи ситуацијата, не се најавува никакво одложување и натпреварот се планира да се одржи во согласност со распоредот, велат од организацијата. Победникот од овој дуел помеѓу ерменскиот и српскиот состав ќе се пласира во групната фаза на ЛЕ.
Воедно нема да се одложат ниту домашните натпревари на репрезентациите на Ерменија и Азербејџан во рамките од УЕФА Лигата на нации.
Потсетување дека и најдобрата македонска репрезентација е во група со Ерменија во новото издание од Лигата на нации. Во Скопје триумфиравме со 2:1 на 5 септември, а возвратниот дуел од групата е на 18 ноември годинава во Ереван.
Во врска со влошувањето на конфликтот, во Ерменија беше прогласена воена состојба и општа мобилизација, а на граѓаните од 18 до 55 години им беше забрането да ја напуштаат земјата.