Откако деновиве имаше лажни дојави за бомби во училиштата во Тетово, што ја прекина наставата, а учениците беа испратени дома, од Општина Тетово објавија нови насоки за училиштата доколку дојавите продолжат. Во таков случај, учениците ќе се враќаат на настава откако полицијата ќе го провери нивното училиште и ќе утврди дека бомба немало.

Назми Даути од Секторот за јавни дејности во Општина Тетово денеска рече дека наставата повеќе нема автоматски да се откажува на денот на кој ќе стигне дојава за поставена бомба. Учениците ќе мора да чекаат пред училиштата додека полицајците го проверуваат училиштето, по што ќе продолжуваат со часовите.

Општината побара пред училиштата да има повеќе полиција и брзо да се најдат лажните дојавувачи.

„Бидејќи овие два дена децата не се враќаат во училиштето, нема потреба за паника. Денес во попладневната смена образовниот процес ќе продолжи“, рече Даути, додавајќи дека општината е во постојана комуникација со директорите и сите релевантни институции, но засега нема информации за тоа кој би можел да стои зад лажните дојави.

Дојава за бомба во тетовската гимназија „Кирил Пејчиновиќ“ – евакуирани се учениците и вработените