Бездомничката Зилда Енрике дос Сантос Леандро (31) од Рио де Жанеиро брутално била убиена неколку секунди откако на улица запрела маж и од него барала пари за да купи леб.

Убиството било фатено од надзорните камери.

Како што се гледа, Зилда идела по средината на улицата и пробала да го привлече вниманието на Адербал Рамос де Кастро. Тој прво ја игнорирал, се додека таа не му се приближила, по што Кастро извадил пиштол и ладнокрвно ја застрелал.

Убиецот побегнал, а Зилда била одведена во болница, каде подоцна била прогласена мртва.

Кастро подоцна бил уапсен и се наоѓа во притвор. Неговиот адвокат рекол дека неговиот клиент мислел дека девојката сака да го ограби.

Убиството се случило само неколку часа пред да се случи уште еден напад на бездомници. Четири луѓе настрадале во Сао Паоло откако испиле „сомнителна течност“.

Полиција тој случај го истражува како можно масовно труење.