Началникот на Полициската управа во Белград, Веселин Милиќ, приведен е по наредба на Вишото јавно обвинителство во Белград, во рамки на истрагата за околностите под кои на 12 мај 2026 година исчезна Александар Нешовиќ, пренесе Нова.

Како што соопшти Вишото јавно обвинителство во Белград, апсењето го извршиле припадници на Управата за криминалистичка полиција, Службата за сузбивање на криминалот и Службата за борба против организираниот криминал на МУП на Србија.

На Милиќ му е одредена мерка притвор до 48 часа поради постоење основи на сомнение дека сторил кривични дела непријавување на кривично дело и сторител, како и помагање на сторител по извршување на кривично дело.

„Во тој рок ќе биде приведен на сослушување пред вршителот на должноста јавен обвинител“, се наведува во соопштението.

Александар Нешовиќ, познат како Баја, исчезнал пред три вечери во Белград. Тој бил поврзан со криминалната група на Дејан Стојановиќ – Кека од Нов Белград.

Според неофицијални информации, Нешовиќ исчезнал откако отишол да се сретне со познаник.

Со помилување криминалци, Вучиќ отвори врата за насилство врз студенти и граѓани, вели Академскиот пленум на Србија