У17: Убедлив пораз на Македонија на стартот од квалификациите за ЕП 2023
Младата репрезентација на Македонија до 17 години забележа пораз со 3:0 од соодветната селекција на Исланд во рамките на првото коло од квалификацискиот натпревар за пласман на Европско првенство што ќе се одржи во Унгарија 2023 година.
На тренинг центарот „Петар Милошевски” – Скопје, Исланд одигра одличен натпревар, успеа да ги искористи нашите грешки во одбраната и да забележи многу значајна победа во борбата за пласман во елитната рунда на квалификации.
Стрелец на два погодоци за репрезентацијата на Исланд беше Гудјонсен. Кјатарсон во 25 минута од натпреварот го отвори резултатот. Шест минути подоцна Гудјонсен погоди за зголемување на предноста на 2:0.
На почетокот на второто полувреме, Гудјохнсен со својот втор гол ги постави конечните 3:0. Во вториот меч од групата „9“, Франција ја оправда фаворитската улога и славеше убедлива победа со 4:0 над Луксембург.
Македонија: Вргов, Мемиши, Мелиќи, Јовановиќ, Велков, Димитријевски, Љубевски, Манојлов, Елмас, Алији, Ајетовиќ.
Резерви: Али, Алиу, Дејановски, Хаџибулиќ, Коцев, Младеновски, Подрграѓа, Сековски, Стојковски. Селектор: Вујадин Станојковиќ.