У17: Триумф над Лихтенштајн, Саитоски двоен стрелец – Слободен печат
СпортФудбал

У17: Триумф над Лихтенштајн, Саитоски двоен стрелец

И натаму македонската репрезентација има теоретски шанси за следната фаза, но има уште многу натпревари да се одиграат...

Во последниот трет натпревар од првата фаза од квалификациите за пласман на Европското првенство, денеска македонската фудбалска репрезентација за играчи до 17 години славеше против Лихтенштајн со резултат 4:0.

Во победата придонесоа Саитоски кој двапати се запиша во листата на стрелците (50, 89 минута), а по еднаш Таипи (36) и Фета (45+3).

На табелата во групата 1 Белгија заврши првопласирана со седум бодови (17:3, гол разлика), колку и Полска на втората позиција (16:4).

На третото место се најде Македонија со три бодови (7:6), а на последната четврта позиција заврши Лихтенштајн (0).

Белгија и Полска директно се пласираа во втората фаза од квалификациите, а потсетување дека и четирите најдобри третопласирани репрезентации од секоја група ќе обезбедат настап во следната фаза.

На таа мини-табела моментно води нашата селекција со гол разлика 7:6 со три бода, колку и Словенија (2:1) која има меч помалку, потоа Босна и Херцеговина (5:6) и Литванија (7:11). Во овој месец треба да се одиграат турнири уште во девет квалификациски групи.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close