8 C
Скопје

Туристичките работници сè уште очекуваат реакција од Владата, по вчерашниот мирен протест (ВИДЕО)

Ана Марија Алексова, еден од организаторите на вчерашниот мирен протест на туристичките работници, денеска во „Утрински брифинг“ на „Слободна ТВ“ ги објасни барањата на туристичките работници, кои, како што рече уште во јуни биле доставени до Министерството за економија.

– Со вчерашниот протест сакавме да испратиме порака дека постоиме, дека сме загрозена гранка која поради пандемијата е во ризик да стави клуч на врата, доколку не добиеме помош. Преку нашите стопански комори во повеќе наврати се поднесувани барања до Министерството за економија. Последните барања се поднесени на 10 јули, но се уште немаме добиено одговор за истите. Нашите барања се минимална плата за секој туристички работник од 14.500 денари со сто проценти платени придонеси во кои ќе бидат опфатени сите, вклучително и новоформираните агенции и тие кои биле во загуба- рече Алексаова.

Прочитајте и...  ВОЗНЕМИРУВАЧКО ВИДЕО: Претепаното Ромче од Кочани низ солзи моли да го однесат кај мајка му

– Бараме и субвенции за да можеме да опстоиме до 2021 година, со што граѓаните ќе можат да ги искористат аранжманите за кои платиле. Бараме и одложување на плаќањето на кредитите и да има посебна кредитна линија за овој сектор, како најзагрозена гранка. Важно е и да се земат во предвид туристичките водичи и пратители, бидејќи тие не се во редовен работен однос, туку се надворешни соработници, и токму затоа не добија помош. И на крај, имаме барање и за превозниците, со што бараме зелениот картон од 2020 година, да важи за 2021 и исполнетоста на автобусите да биде 70 проценти, наместо сегашните 50 проценти, рече Алексова.

Таа нагласи дека по вчерашниот мирен протест, сè уште чекаат реакција од Владата.

Прочитајте и...  Богдановиќ за спорниот проект кај „Холидеј Ин“: Двајца охриѓани ни ја попречија постапката во Уставен

– Нашите стопански комори сè уште немаат добиено писмен одговор од Владата. Единствено што видовме во дел од медиумите е дека го знаат нашиот проблем, но ќе го разгледаат кога ќе се оформи Влада. Но, ние немаме време, на 15 август ќе бидат блокирани сметките на сите фирми доколку не се пушти плата, а ние немаме пари за да исплатиме плати. Станува збор за околу 5.000 вработени кои нема да добијат плата. Не мора на сите барања да одговорат веднаш, нека биде и постепено, само да не мораме да ги затвориме агенциите, објаснува Ана Марија, и додава дека можни се повторни протести, доколку не се одговори на барањата.

Целиот разговор co Ана Марија Алексова, еден од организаторите на вчерашниот мирен протест на туристичките работниципроследете го во видеото: 

 

Прочитајте и...  Сè за бразилскиот вид коронавирус: Колку е опасен и дали вакцините ќе делуваат?

Поврзани вести

Лондонската полиција уапси маж кој носел секира на улица

Слободен печат

Запленета рекордна количина дрога на хрватско пристаниште: Околу 500 килограми кокаин скриени во контејнер со банани

Слободен печат

Богатството на Џек Ма се зголеми за 2,3 милијарди долари за само еден ден

Слободен печат

Силен земјотрес од 5,2 степени регистриран кај грчките острови Нисирос и Кос

Слободен печат

Инцидент „тежок“ 916 милиони долари: Властите на Суецкиот канал бараат од сопственикот на бродот да ја плати оштетата

Слободен печат

Кривична пријава за насилство врз дете во Кочани

Слободен печат

Остави Коментар