Секој ден 2.600 нови милионери, обичниот човек има сѐ помалку
Историскиот скок на светското богатство го продлабочи економскиот јаз. Според годишната анализа на швајцарската банка UBS, во текот на 2025 година, глобалното богатство растело со најбрза стапка во последните неколку години, поради што во светот се создавале околу 2.600 нови милионери секој ден.
Препорачано
Вкупното приватно богатство во светот се зголемило за приближно 10,8 проценти, што претставува најизразен раст во последно време, а UBS го поврзува овој тренд со позитивни движења на финансиските пазари, објавува Ројтерс. Експертите, сепак, предупредуваат дека јазот во распределбата се продлабочува.
Иако просечното богатство се зголеми на повеќето пазари, просечната вредност на богатството по возрасен човек се намали. Добивките се претежно концентрирани кај најбогатите, што укажува дека категориите на населението кои веќе биле богати имале првенствено корист од овој раст.
Во Германија, просечното богатство по возрасен човек е околу 347.000 долари, додека медијаната е многу пониска, околу 53.000 долари, што значи дека половина од населението има средства од таа вредност или помалку. Покрај тоа, повеќе од 2,6 милиони милионери моментално живеат во Германија, што е мало зголемување од малку повеќе од еден процент во споредба со претходната година.
