Професорка од Универзитетот „Гоце Делчев“ во Штип е приведена откако, според сомнението, побарала и примила пари од студент за да му овозможи да положи испит.

Од Министерството за внатрешни работи информираат дека на 29 јуни, во 11:45 часот, полициски службеници од СВР Штип ја лишиле од слобода Т.А. (39) од Штип, поради постоење основи на сомнение дека сторила кривично дело „примање поткуп“.

Случајот бил пријавен на 22 јуни од К.Б. (26), државјанин на Турција кој привремено престојува во Штип и студира на Универзитетот „Гоце Делчев“. Тој пријавил дека професорката од него побарала 300 евра за да положи испит што требало повторно да го полага на 29 јуни.

Во координација со Основното јавно обвинителство Штип биле преземени мерки, при што на студентот му биле дадени три криминалистичко-технички обработени банкноти од по 100 евра.

Професорката била приведена веднаш по примањето на парите. Таа е задржана во полициска станица, а банкнотите се одземени.

По целосно документирање на случајот, против неа ќе биде поднесена соодветна пријава.

Ќе ги дочекаат ли карпошанки ветените бесплатни прегледи за остеопороза?