Германската јавност и дел од судиските експерти бурно реагираат по поништувањето на голот на Џонатан Та во поразот од Парагвај, кој ја елиминираше Германија од Светското првенство. Одлуката на ВАР за наводен прекршок врз голманот Орландо Хил е главната тема по натпреварот, а дел од аналитичарите сметаат дека интервенцијата била претерана и дека не станува збор за јасен фаул.

Во фокус по натпреварот се најде и Јирген Клоп, кој жестоко ја критикуваше одлуката за поништување на голот. Тој смета дека не станува збор за фаул и дека ваквите ситуации ја уништуваат конзистентноста во судењето, посочувајќи дека слични дуели во други натпревари биле признаени. Клоп додаде дека Германија била оштетена во клучен момент од мечот кој ја чинеше елиминација од Мундијалот.

ВИДЕО | Сензација: Парагвај ја елиминираше Германија на пенали за осминафинале

„Ако тоа е нерегуларен гол, тогаш Арсенал немаше да биде шампион на Англија. Тие постигнаа 60% од своите голови на тој начин. Ќе го добиевме натпреварот ако голот беше примен, па затоа ова е брутално “, изјави Клоп.

Слично мислење дели и поранешниот германски судија Торстен Кинхофер кој истакна дека контактот бил минимален и нормален за ваква ситуација, додека други експерти оценија дека критериумите на судење се неконзистентни. Реакции стигнаа и од Англија, каде дел од коментаторите порачаа дека вакви ситуации досега на турнирот биле различно толкувани, што дополнително ја засили дебатата околу употребата на ВАР системот.