Причината поради која синоќа гледачите на Арена спорт ТВ Македонија, меѓу другото, не можеа да го гледаат натпреварот Холандија – Мароко од Светското првенство беше прекин на емитувањето на програмата до кој дојде поради проблеми со агрегатот за струја во Белград, каде што е главното студио на оваа телевизија.

Прекинот на програмата се уште траеше во моментот кога го објавивме текстот.

Во Белград работеле на решавањето на проблемот, но не беше јасно кога состојбата ќе се нормализира, односно дали спортските фанови ќе можат да ја гледаат нашата тенисерка Лина Ѓорчевска која напладне треба да го почне мечот од првото коло со Аманда Анисимова на Вимблдон.

Информациите ги добивме од скопското студио на Арена спорт ТВ Македонија.