Американската тенисерка Коко Гоф се пласираше во второто коло на грен слем турнирот Вимблдон во женска конкуренција, откако во првото коло ја победи Германката Тамара Корпач со 2:0 во сетови 6:2 и 6:1.

Гоф ќе игра во второто коло против Аргентинката Солана Сиера, која ја победи Унгарката Ана Бондар со 6:3, 5:7 и 7:5.

Чехинката Каролина Мухова исто така беше успешна на стартот, совладувајќи ја Русинката Анастасија Захарова со 6:3 и 62. Мухова ќе игра во второто коло против Шуаи Жанг од Кина, која ја победи Канаѓанката Бјанка Андреску со 7:6 (3) и 7:6 (6).

Петтата носителка на турнирот, Мира Андреева за еден час и 43 минута ја совлада Магда Линет од Полска со 7:5 и 6:4 и нејзина следна противничка ќе биде Барбора Крејчикова од Чешка која со 6:1 и 6:4 беше поуспешна во дуелот со Британката која настапи со „вајлд-карта“, Хана Клагман.

Претходно во второто коло на Вимблдон се пласираа и Белорусинката Арина Сабаленка, Белинда Бенчиќ од Швајцарија, Американките Ива Јовиќ, Џесика Пегула, Алиша Паркс, Мекартни Кеслер и Клер Лиу, Џесика Бузас Манеиро и Сара Сорибес Тормо од Шпанија, Германката Татјана Марија, Тајланѓанките Мананчаја Савангкаев и Ланлана Тараруде, Ксинју Ванг од Кина и Зејнеп Сонмез од Турција.

Во второто коло на Вимблдон се пласираа и Летонката Јелена Остапенко, Хрватката Антонија Ружиќ, Јапонката Наоми Осака, Јанис Тиен од Индонезија, Австралијанката Дарија Касаткина, Русинките Екатерина Александрова, Мира Андреева, Ана Калинскаја и Анастасија Гасанова, Чехинките Барбора Крејчикова, Катерина Сињакова и Никола Бартункова, Украинката Дијана Јастремска и Французинката Дијана Пари.

Вимблдон: Сабаленка рутински против Костовиќ, Осака без проблеми со Жакмо