Фудбалерите на Бразил се пласираа во осминафиналето на Светското првенство по минималната победа од 2:1 над Јапонија на стадионот „НРГ“ во Хјустон, САД.

Избраниците на селекторот Карло Анчелоти започнаа силно, но Јапонија беше првата која постигна гол. Каишу Сано стрелаше за водство од 1:0 во 29 минута од натпреварот.

Бразилците се мачеа да израмнат, а успеаја да го сторат тоа дури во 56 минута, кога Касемиро постигна гол за 1:1.

Три минути подоцна, Винисиус Жуниор помина покрај неколку противнички играчи и ја погоди стативата.

Кога се очекуваше натпреварот да влезе во продолженија, Бразил го постигна својот втор гол.

По асистенцијата на Бруно Гимараеш, во судиското надополнување (90+6`), Габриел Мартинели од непосредна близина го комплетираше пресвртот за победа и пласман во осминафиналето.

Бразил за влез во четвртфиналето на 5 јули во Њујорк, САД, ќе игра против победникот од дуелот помеѓу Брегот на Слоновата Коска и Норвешка.