Парагвајскиот претседател Сантијаго Пења прогласи национален празник по историскиот успех на фудбалската репрезентација на Светското првенство.

Парагвај ноќеска приреди големо изненадување, откако во осминафиналето ја елиминираше фаворизираната Германија, по што низ градовите во земјата започна масовно славје.

Веднаш по натпреварот, претседателот Сантијаго Пења се обрати преку социјалните мрежи и потпиша указ со кој следниот ден го прогласи за неработен, за сите граѓани да можат достоинствено да го прослават овој голем спортски успех.

„Ова не е само победа на теренот, ова е триумф на нашето срце, борбеност и заедништво. Парагвај покажа дека може да се носи и со најголемите. Во знак на благодарност кон нашите херои и за сите заедно да го одбележиме овој историски ден, го прогласувам денешниот ден за национален празник“, порача Пења.

Со оваа победа Парагвај испиша една од најголемите страници во својата фудбалска историја, додека кризата во германската репрезентација дополнително се продлабочи, откако на претходните две Светски првенства не успеа да ја мине ниту групната фаза.

Улиците на главниот град Асунсион со часови беа блокирани по последниот судиски свиреж. Илјадници навивачи излегоа да слават, а песната, факелите и еуфоријата траеја до раните утрински часови.

Paraguay feiert den Sieg über Deutschland.

So feiert eine Nation.

Die Deutschen haben zwischen “Wir schaffen das”, “2G+” und “Kriegstüchtig für die Ukraine” vergessen was das ist… pic.twitter.com/6HigZ8Uw97

— Dr. David Lütke (@DrLuetke) June 30, 2026

Благодарение на одлуката на претседателот, граѓаните на Парагвај денеска нема да одат на работа, а училиштата и јавните установи ќе останат затворени.

Мундијалот руши рекорди по број на гледачи