На вечерашната седница на Извршниот комитет на ВМРО-ДПМНЕ, портпаролката на Влада, Марија Митева, е избрана за претседателка на Унијата на жени на партијата.

„Ќе бидам претседателка која ќе слуша, ќе обединува и ќе работи. Водена сум од убедувањето дека најголемите промени не започнуваат кога некој ќе ни даде можност, туку кога ќе ја прифатиме одговорноста што таа можност ја носи“, напиша Митева на социјалните мрежи, заблагодарувајќи се за довербата што и ја укажале претседателот на ВМРО-ДПМНЕ и Извршниот комитет, да ја предводи Унијата на жени на ВМРО-ДПМНЕ.

На истата седница, за нов претседател на Унијата на млади сили на ВМРО-ДПМНЕ е избран Тодор Коневски на местото на сергеј Попов.

Со овие одлуки, ВМРО-ДПМНЕ ги заокружува кадровските промени во двете значајни партиски структури, Унијата на жени и Унијата на млади сили.

Клековски е новиот министер за здравство, Перински застанува на чело на ФЗО