Тројца македонски репрезентативци позитивни на ковид-19

фото: рфм

Во пресрет на првите два квалификациски натпревари за пласман на Европското првенство во 2022 година против Финска и Швајцарија, согласно протоколот од ЕХФ и протоколот за спроведување на ракометните натпревари, Ракометна Федерација на Македонија пред започнување на собирот спроведе тестирање на ракометарите и стручниот штаб на македонската сениорска машка репрезентација за рана детекција на ковид-19.

РФМ ја информира јавноста дека шест лица кои се дел од националната селекција се позитивни на коронавирусот:

Александар Царчев – тренер на голмани

Никола Матлиески – помошник тренер

Радослав Стојановиќ – помошник тренер

Марио Танкоски – ракометар

Мартин Велковски – ракометар

Мартин Поповски – ракометар

Федерацијата воедно известува дека контактите се изолирани, ракометарите и стручниот штаб кои се позитивни немале контакт со останатите тестирани членови на репрезентацијата кои се негативни на повеќе последователни спроведени тестирања.

Првиот меч од квалификациите за ЕП е во Скопје во СЦ „Борис Трајковски“ на 4 ноември (среда) со почеток од 20.00 часот против Финска, а три дена подоцна (сабота, 7 ноември) е дуелот со Швајцарија на гостински терен (18.30 часот).

Согласно Протоколите за спроведување на натпревари донесени од Владата и документот издаден од Европската Ракометна Федерација „EHF Hygiene Concept” за спроведување на натпревари не е предвидена прес-конференција/брифинг со медиуми.

Се замолуваат претставниците на медиумите да имаат разбирање и да се почитуваат предвидените протоколи, за секоја измена на состојбата во врска со претстојниот собир РФМ ќе излезе со соопштение.

Видео на денот