Три жени се повредени откако биле нападнати со нож од маж во париското метро, соопштија полицијата.

Според информациите, осомничениот извлекол нож и нападнал три жени на различни станици на истата линија, која сообраќа меѓу Бањоле (Сен-Сен-Дени) и Левалоа-Пере (О-де-Сен), пренесува весникот „Паризјен“.

Трите жртви се здобиле со полесни повреди, при што две од нив биле прободени во пределот на грбот и бутините.

По нападите, осомничениот избегал, но подоцна бил уапсен во својот дом.

Според полицијата, станува збор за маж со потекло од Мали, роден во 2000 година. Можноста за терористички мотив е исклучена, а надлежните сметаат дека се работи за дело на лице со нарушено ментално здравје.