Во Франција во вторникот починаа рекорден број на луѓе од новиот коронавирус – дури 490, соопштија здравствените власти на таа земја.

Како што пренесува Би-Би-Си, властите планираат пациентите во критична состојба да ги префрлат во Париз во помалку погодените региони.

Во Франција, според најновите податоци досега од коронавирусот се заразени 52.128 луѓе, а починаа 3.523 лица и по бројот на смртни случаи таа земја е трета во Европа, а четврта во светот, веднаш зад Италија, Шпанија и САД.

Веќе три дена по ред, бројот на заболени во Франција расте, иако властите на таа земја се обидуваат да го забават ширењето на болеста, пишува порталот Франс24. Само за 24 часа, помеѓу понеделникот и вторникот, бројот на заразени порасна за 17 отсто, како и бројот на починати.

Директорот на Агенцијата за здравје, Жером Саломон рекол дека засега во вкупната бројка на смртни случаи ги вбројуваат само починатите во болниците, но дека тој број ќе биде многу поголем кога ќе се додадат и починатите во домовите за пензионери.