Претседателот на Соединетите Американски Држави, Доналд Трамп, изјави дека сите земји што сакаа да бидат дел од БРИКС се откажаа од своите амбиции поради американските царини, пренесува НДТВ Ворлд.

„Им кажав на сите што сакаат да бидат во БРИКС дека тоа е во ред, но ние ќе воведеме царини на нивните земји. Сите излегоа. Сите се откажаа од БРИКС. БРИКС е напад врз доларот и реков „ако сакате да ја играте таа игра, ќе воведам царини на сите ваши производи што влегуваат во САД“. Тие рекоа, како што реков, „го напуштаме БРИКС“… Тие дури и не зборуваат за тоа веќе…“, рече Трамп.

Трамп истакна дека политиката на САД со заканата од царини била одлучувачки фактор за повлекувањето на земјите од планираното членство во економскиот сојуз БРИКС.