Трамп ја тужи својата внука бидејќи им дала информации на новинарите за неговите измами
Поранешниот американски претседател Доналд Трамп ја тужи својата внука Мери Трамп поради текст објавен во Њујорк тајмс во 2018-та година, во кој таа соработувала со новинарите за да ја осуди неговата даночна измама, пренесува Вашингтон Пост.
Мери Трамп открила доверливи информации
Трамп ја тужеше својата внука за откривање доверливи документи, кои укажуваат на даночни измами извршени од Доналд Трамп. Додека Мери Трамп во своите мемоари објавени во 2020 година-та призна дека била извор на новинарската истрага, Трамп сега ја обвинува за прекршување на договорот според кој не смеела да ги открие тие доверливи информации.
Инаку, Мери Трамп е ќерка на починатиот брат на Трамп, Фред Трамп Џуниор, кој починал во 1982-та година на 42 -годишна возраст.
„Премногу и никогаш доволно“
Досега, Доналд Трамп постојано ги негираше обвинувањата на 56-годишната внука од нејзината книга „Премногу и никогаш доволно-како моето семејство создаде една од најопасните луѓе во светот“. Во таа книга, Мери Трамп детално опишува како им помогнала на новинарите да најдат извори за нивната долга репортажа, во кој е детално прикажано како Трамп, со помош на даночна измама и други нелегални активности, успеал значително да го зголеми своето богатство во текот на 1990 -тите години, оставено од неговите родители.
Одмазда на Мери Трамп за наследство?
Според тужбата, новинарите на Њујорк Тајмс Сузан Крег, Дејвид Барстоу и Расел Бутнер соработувале со Мери Трамп затоа што таа сакала „да му се одмазди на својот вујко“.
Минатата година, самата Мери го тужеше чичко и Доналд. Во тужбата се наведува дека поранешниот американски претседател, заедно со другите членови на семејството, ја „оттурнале“ од наследството.