Специјалниот пратеник на американскиот претседател Доналд Трамп, Стив Виткоф, треба, по посетата на Израел, да учествува во следната рунда преговори меѓу Украина и Русија, кои ќе се одржат на 4 и 5 февруари во Абу Даби, соопшти Барак Равид, дописник за глобални прашања на порталот Аксиос, пишува „Европска правда“.

Дека Виткоф ќе присуствува на преговорите со делегациите на Русија и Украина во Абу Даби, објави подоцна и Белата куќа, пренесува Ројтерс.

Тоа е спротивно на претходните најави на државниот секретар на САД, Марко Рубио, кој рече дека Виткоф и зетот на Трамп, Џаред Кушнер, нема да учествуваат во следната рунда преговори со Русија и Украина, додавајќи дека присуството на САД е „можно“.

На 30 јануари, Трамп уште еднаш изјави дека гледа можност за успешни преговори за завршување на руско-украинската војна. Еден ден подоцна, украинскиот претседател Володимир Зеленски изјави дека не знае дали мировните преговори се во завршна фаза или дали е сè уште потребно вклучување на неколку земји.

Првата рунда трилатерални преговори меѓу Украина, САД и Русија се одржа во Абу Даби на 23 и 24 јануари. Потоа беа дискутирани параметрите за завршување на војната.

Виткоф: Мировниот договор за Украина е 90% завршен, утре одам кај Путин

Зеленски соопшти кога ќе има нови мировни преговори со САД и Русија