Специјалниот претставник на американскиот претседател Доналд Трамп за мировни мисии, Стив Виткоф, денес изјави дека мировниот договор за ставање крај на војната меѓу Русија и Украина е „завршен за 90 проценти“.

Виткоф ги даде овие забелешки во интервју за Блумберг и Си-ен-би-си на маргините на Светскиот економски форум во Давос. Тој рече дека се согласува со проценката на украинската страна дека договорот е речиси завршен, додавајќи дека неодамна е постигнат дополнителен напредок,пренесува Украинска правда.

„Мислам дека постигнавме уште позначаен напредок“, рече Виткоф.