Доналд Трамп на социјалната мрежа „Трут сошал“ објави дека го номинира Кевин Ворш за претседател на Одборот на Федералните резерви.

Тој рече дека Кевин Ворш е дипломиран на Универзитетот Стенфорд и на Правниот факултет на Харвард и дека спровел обемни истражувања во областа на економијата и финансиите.

Трамп потсети дека Ворш напишал независен извештај за Банката на Англија, во кој предложил реформи во креирањето монетарни политики во Обединетото Кралство, а британскиот парламент ги усвоил неговите препораки. Во исто време, тој истакна дека на само 35-годишна возраст станал најмладиот гувернер во историјата на ФЕД.

Во својата објава, американскиот претседател нагласи дека го познава Кевин Ворш многу години и изрази сигурност дека тој ќе остане запишан во историјата како еден од најголемите претседатели на ФЕД, опишувајќи го како личност „скроен“ за позицијата.

-Покрај сè друго, тој е „централен избор“ и никогаш нема да ве разочара. Честитки, Кевин!- напиша Трамп.

САД: Владата се заканува со гонење на ФЕД, притисокот врз Пауел за каматните стапки се засилува