Македонскиот репрезентативец Александар Трајковски по разделбата со Хајдук би можел и понатаму да ја продолжи кариерата во Хрватска. Според последните информации, напаѓачот е во преговори со Истра, а договорот би можел да биде официјализиран наскоро.

Трајковски последен пат настапи за Хајдук во мај оваа година, а по кратка пауза, повторно се појавува можност да остане во хрватскиот шампионат.

Истра го гледа како решение за проблемите во нападот, со оглед на тоа што тимот на девет натпревари сезонава има постигнато само девет голови, со биланс од три победи, три ремија и три порази.

Македонскиот офанзивец беше дел и од последните репрезентативни натпревари, против Казахстан доби шанса во завршницата, додека на дуелот со Белгија во Гент остана на клупата.

Преземено од: Спорт.ком.мк