Трагедијата на ПАОК стана поголема: Почина уште еден навивач, не му издржало срцето кога дознал за несреќата
Грчки ПАОК вчера беше погоден од трагедија во која загинаа седум навивачи во тешка сообраќајна несреќа, а оваа трагедија стана и поголема откако медиумите информираат дека починал и уште еден 54-годишен навивач на грчкиот тим и тоа од срцев удар кога дознал дека во несреќата загинал негов близок пријател.
Препорачано
Како што пренесуваат грчките медиуми, навивач на ПАОК од Лариса доживеал срцев удар веднаш по информацијата дека неговиот пријател е меѓу жртвите. Трагедијата е уште поголема ако се знае дека тој во наредните денови требало да оди на закажана операција на срцето, но шокот од веста бил пресилен.
Да потсетиме, страшната сообраќајна несреќа се случи во близина на романскиот Лугој, кога комбе директно се судри со камион кој доаѓал од спротивна насока во другата коловозна лента. Во возилото се наоѓале 10 грчки навивачи на ПАОК, кои патувале кон Франција на натпреварот против Лион.
ВОЗНЕМИРУВАЧКО ВИДЕО: Комбе се распарчи во страшен судир со камион, загинаа седум навивачи на ПАОК
