Том Хенкс / Фото: EPA-EFE/CAROLINE BREHMAN

Том Хенкс ќе го оживее ликот на Абрахам Линколн во филмската адаптација на романот „Линколн во Бардо“

Оскаровецот Том Хенкс, ќе го игра Абрахам Линколн во претстојната филмска адаптација на романот „Линколн во Бардо“ од „Старбурнс Индустрис“, пренесуваат странските медиуми.

Покрај тоа што ќе го игра Линколн, Хенкс ќе го продуцира проектот базиран на бестселерот од Џорџ Сондерс.

„Линколн во Бардо“ се фокусира на односот на Линколн со неговиот починат 11-годишен син. За да се долови еден од најинтимните аспекти од животот на овој политичар, продукцијата ќе комбинира стоп-моушн анимација и игран филм за да истражи теми за љубовта, емпатијата и човечкиот капацитет во лицето на незамислива тага.

Продукцијата на филмот планира да го реализира овој процес преку ансамбли на ликови, и историски и фиктивни.

Стивен Шарешијан, Арон Мичел и Сондерс ќе бидат извршни продуценти на овој проект, а филмот ќе биде продуциран во Лондон.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот